Tuesday, 8 July 2008,6:39 pm
വീടുകള്‍
ഉറങ്ങേണ്ട ഇടത്തെ, ഒരു ഉപകരണത്തെ ചുവരുകളൂം മേല്‍ക്കൂരയും കൊണ്ട്‌ അലങ്കരിക്കലാണ്‌, വീട്‌.
നടന്നുകയറുന്ന ഈ വീട്‌, ഒരിക്കല്‍ ഇവിടെനിന്നും ആട്ടിയിറക്കപ്പെട്ടു.
പക്ഷിയുടെ കാലുകളില്‍ കുലുങ്ങുന്ന ദുര്‍ബ്ബലമായ ഒരു മരച്ചില്ല.
ഒരിക്കല്‍ ഓടുമേഞ്ഞ ഒരെണ്ണമായിരുന്നു അവന്റെ വീട്‌. പിന്നീട്‌ കുറേനാള്‍ തെരുവും വഴിയമ്പലങ്ങളും. ഒടുവില്‍ ഒരോലക്കുടില്‍. ഇപ്പോളത്‌ കൂറ്റനൊരു ഇരുമ്പുവാതിലിന്റെ കാവല്‍.
അവിചാരിതമായി ചാറ്റല്‍മഴ പെയ്യുമ്പോള്‍ ശിരസ്സിനുമീതെ ഉയര്‍ത്തിപ്പിടിക്കുന്ന കൈത്തലമാണ്‌ വീട്‌.
