Tuesday, 1 July 2008,4:43 pm
വസന്തത്തിന്റെ പാട്ടുകള്‍
ഒരിടത്തല്ല-
ഒരുപാടിടത്ത്‌ ഒരന്ധഗായകന്‍.കുട്ടിക്കാലത്ത്‌ ദേശത്തെ ബസ്‌സ്റ്റേഷനില്‍ ഇദ്ദേഹം പാടിനടന്ന് നാണയങ്ങള്‍ സ്വീകരിച്ചിരുന്നു.(ഒരു കാലന്‍ കുട, എന്നേരവും കൈയ്യില്‍...)
വരികള്‍ തെറ്റുമെങ്കിലും ഈണം ഒരിക്കലും പിശകാറില്ല.അത്‌ ആത്മാവില്‍ നിന്നങ്ങനെ വന്നുകൊണ്ടിരിക്കും.
വര്‍ഷങ്ങള്‍ക്കുശേഷം ഇതാ ആ പാട്ടുകാരന്‍ വീണ്ടും. അന്നത്തെ ഇത്തിരിക്കൂന്‌ ലേശം കൂടി കൂനിയിട്ടുണ്ടെന്നു മാത്രം. ആ കാലന്‍ കുടയുമുണ്ട്‌. എണ്ണയിട്ട്‌ തിളക്കാന്‍ മറന്ന ആ ശബ്ദത്തില്‍ അദേഹം പാടുകയാണ്‌. പണ്ടു പാടിയ അതേ പാട്ടുകള്‍. അതാണെന്നെ ചിന്തിപ്പിച്ചത്‌. എന്താണദ്ദേഹം പുതിയ പാട്ടുകളൊന്നും പാടാത്തത്‌? എവിടെവച്ചാണ്‌ ഈ ഗാനങ്ങളിങ്ങനെ സ്തംഭിച്ചുനിന്നുപോയത്‌?
പിന്നെ അറിഞ്ഞു. അത്‌ ആ മനുഷ്യന്റെ വസന്തത്തിന്റെ പാട്ടുകളാണ്‌.ജീവിതത്തിന്റെ വൈവിധ്യഭരിതമായ സ്വരൂപത്തെ ഉന്മത്തമായി മോഹിക്കുകയും സ്നേഹിക്കുകയും ചെയ്ത കാലത്തിന്റെ വിങ്ങുന്ന തഴമ്പുകളാണത്‌. അതില്‍പ്പിന്നീട്‌ ചലിക്കുകയോ മര്‍മ്മരമുതിര്‍ക്കുകയോ ചെയ്തിട്ടില്ലെന്നതിന്റെ കരുവാളിച്ച ശബ്ദസ്തംഭങ്ങളും.
ഒരുപാടിടത്ത്‌ ഒരന്ധഗായകന്‍.കുട്ടിക്കാലത്ത്‌ ദേശത്തെ ബസ്‌സ്റ്റേഷനില്‍ ഇദ്ദേഹം പാടിനടന്ന് നാണയങ്ങള്‍ സ്വീകരിച്ചിരുന്നു.(ഒരു കാലന്‍ കുട, എന്നേരവും കൈയ്യില്‍...)
വരികള്‍ തെറ്റുമെങ്കിലും ഈണം ഒരിക്കലും പിശകാറില്ല.അത്‌ ആത്മാവില്‍ നിന്നങ്ങനെ വന്നുകൊണ്ടിരിക്കും.
വര്‍ഷങ്ങള്‍ക്കുശേഷം ഇതാ ആ പാട്ടുകാരന്‍ വീണ്ടും. അന്നത്തെ ഇത്തിരിക്കൂന്‌ ലേശം കൂടി കൂനിയിട്ടുണ്ടെന്നു മാത്രം. ആ കാലന്‍ കുടയുമുണ്ട്‌. എണ്ണയിട്ട്‌ തിളക്കാന്‍ മറന്ന ആ ശബ്ദത്തില്‍ അദേഹം പാടുകയാണ്‌. പണ്ടു പാടിയ അതേ പാട്ടുകള്‍. അതാണെന്നെ ചിന്തിപ്പിച്ചത്‌. എന്താണദ്ദേഹം പുതിയ പാട്ടുകളൊന്നും പാടാത്തത്‌? എവിടെവച്ചാണ്‌ ഈ ഗാനങ്ങളിങ്ങനെ സ്തംഭിച്ചുനിന്നുപോയത്‌?
പിന്നെ അറിഞ്ഞു. അത്‌ ആ മനുഷ്യന്റെ വസന്തത്തിന്റെ പാട്ടുകളാണ്‌.ജീവിതത്തിന്റെ വൈവിധ്യഭരിതമായ സ്വരൂപത്തെ ഉന്മത്തമായി മോഹിക്കുകയും സ്നേഹിക്കുകയും ചെയ്ത കാലത്തിന്റെ വിങ്ങുന്ന തഴമ്പുകളാണത്‌. അതില്‍പ്പിന്നീട്‌ ചലിക്കുകയോ മര്‍മ്മരമുതിര്‍ക്കുകയോ ചെയ്തിട്ടില്ലെന്നതിന്റെ കരുവാളിച്ച ശബ്ദസ്തംഭങ്ങളും.
അതേ, അദ്ദേഹത്തെപ്പോലെ നമുക്കുമോര്‍ക്കാനുണ്ട് നമ്മുടേതായ വസന്തഗീതങ്ങള്‍, ആത്മഗാനങ്ങള്‍.....